idende

BUPATI MUKA PASANGGIRI/FESTIVAL SENI SUNDA SA-KABUPATEN TASIKMALAYA

  • Written by HelpDesk-Kominfo1
  • Tuesday, 05 November 2019 17:51

 

 

DISKOMINFO, Cineam – Bupati Tasikmalaya Ade Sugianto disarengan ku rengrengan pupuhu Pamarentah Kabupaten Tasik malaya patepung lawung paamprok jonghok dina raraga kagiatan “Pasanggiri/Festival Seni Sunda Sa-Kabupaten Tasikmalaya Taun 2019” di Lapangan Yogaswara Kecamatan Cineam, Salasa (05/11).

Bupati Ade nandeskeun yen ieu kagiatan teh mangrupi hiji tarekah pikeun ngamumule tur ngaronjatkeun seni budaya sunda, khususna nu aya di wewengkon Kab. Tasikmalaya.


“Mugi ieu kagiatan teh ageung mangfaatna kanggo urang sadayana. Malah mandar seni budaya sunda teh tetep nanjeur teu kadeseh ku budaya deungeun,” saur Bupati di payuneun masyarakat Cineam.

Pupuhu Dinas Pendidikan & Kebudayaan Kab. Tasikmalaya Dadan Wardana nyebatkeun ieu kagiatan teh dilaksanakeun pikeun ngawanohkeun seni tradisional sunda nu aya di wewengkon Kab. Tasikmalaya sangkan dipikawanoh ku balarea.

Dina raraga pasanggiri ieu dideudeulan diantawisna ku Camat Cineam, Kapolsek Cineam, Danramil Cineam, Diskominfo Kab. Tasikmalaya, Tokoh Masyarakat, Alim Ulama, sareng tamu uleman nu sanesna

Add comment

Security code
Refresh

 
Pengelola:
Dinas Komunikasi dan Informatika Kabupaten Tasikmalaya
Jl.Sukapura III Komplek Perkantoran Sukapura  Bojongkoneng Singaparna Tasikmalaya 
Telp 0265 - 546432 Ext.103     Email : diskominfo[at]tasikmalayakab.go.id
Jam Operasional 
Senin - Kamis  Pkl.07.45 - 14.45 WIB Istirahat Pkl.12.00-12.30 WIB
Jumat  Pkl.07.45 - 15.15 WIB Istirahat Pkl.11.30 - 12.30 WIB